--  Molnom Churachandpur a cheng Bebem pa, Lhunkhongam Lhungdim (52), in jong 22 Dec. nichun a innsung ngai tah dalhan vangam ana jon tai. KSO-D in Prayer Cell lamkai nan Munirka a achanu ngai Bebem te inn a lhamonna kin ana nei tan ahi.

--  Mrs. Kimtinneng Kipgen, Kangpokpi, chu achesa Jan. 6, 2010 nichun ahinkho ana bei tan ahi. Ama‘n eidalhah nachung uva Munirka Prayer Cell lamkai na‘n KSO (D) toh a upa Thongkholen Kipgen leh anaopa Lalpu chu lhamonna Munirka mun a ana kinei pi‘n ahi. Ama hi kum 28 vel ahin, chapa khat (3yrs. Old) le chanu khat (5yrs old) ana hing in ahi. Ajipa Tonghen Kipgen hi KSO GHQ. a President in jong ana pang in ahi.

KSO-Shillong Executive Member ni—Paosat Kipgen, Secy., Social and Culture toh Paolen Chaongloi, Asst. Games and Sports Secy.— teni chu vangset umtah in achesa December 22, 2009 ni chun ahinkho lhon ana bei ta‘n ahi.
Amani hi shillong a pat Christmas vacation a innlam (Manipur ) che lhon ahi. A innsung mite houtoh kipah thanom a Christmas mankhom na ding chu amaho innsung mite ding in lunghem na leh lungjin na Christmas ahung soh doh ta‘n ahi. Thu kija dung jui in ama ni hi hiche nikho a hi Bongbal Kholen jon a che ahilhon in, meilhei ho khut a kon in ahinkho lhon ana bei ta‘n ahi.
Paosat Kipgen (25) hi Bongbal Kholen a cheng Lunkhojang Kipgen chapa ahin, Paolen Chongloi (26) hi Keithelmanbi Military Colony a um Chungkhothang Chongloi chapa ahi. Amani hi Shil-long KSO lamkai ahilhon keo hilou in society a ding a manchah thei tah leh lekha them tah sim-lai chapang ahi lhon e tin shillong a kon in thulhut akimu‘n ahi. Read the full story